கொழும்பு றோயல்கல்லூரி தமிழ் நாடகமன்றம் நடாத்திய அகில இலங்கைப் பாடசாலைகளுக்கிடையிலான நாடகப் போட்டியில் யாழ்ப்பாணம் மத்திய கல்லூரி நாடக அணி தேசியத்தில் மூன்றாமிடத்தினைப் பெற்றுக் கொண்டுள்ளது. கொழும்பு றோயல் கல்லூரியின் நாடக மன்றத்தினால் அகில இலங்கைப் பாடசாலைகளுக்கிடையில் வருடாந்தம் நடாத்தப்பட்டு வருகின்ற நாடகப்போட்டியில் இவ்வாண்டுக்கான தேசிய மட்டப் போட்டியில் யாழ்ப்பாணம் மத்திய கல்லூரியின் விடியலின் பாதை நாடகம் வெற்றி பெற்றுக் கொண்டுள்ளதுடன் சிறந்த துனை நடிகனுக்கான தேசிய விருததினையும் பெற்று சாதனை படைத்துள்ளது.
சிறந்த துணை நடிகராக பிரவீண் தெரிவு செய்யப்பட்டுள்ளார். இந்நாடகத்திற்கான நெறியாள்கை வழிப்படுத்தலை மத்திய கல்லூரியின் நாடகமும் அரங்கியலும் ஆசிரியர் எஸ்ரி.குமரன் வழங்கியுள்ளார்.
இந்நாடகத்தில் நடிகர்களாக அபிசேக், சண்முகப்பிரியன், கயேந்திரன், அபினாஸ், கனோஜன், ஜனார்த்தன், தர்மிசன், சுகிர்தன், லக்ஸன், பிரவீன், சதீஸ்குமார், பெல்ஜியோ, தர்சன், சாள்செபஸ்ரியான், சன்சயன், விதுர்சன், அட்சரன், சுரேஸ்மோகன், பெனற் ஆகியோர் நடித்துள்ளனர். இசையினை கோகில் பிரசாத் வழங்கியுள்ளார்.
Post a Comment