அஜீத், தமன்னா, சந்தானம், பாலா, விதார்த், சுகைல், என பெரும் நட்சத்திரகூட்டணியில் உருவாகி இருக்கும் வீரம் படம் வருகிற பொங்கல் அன்று வெளிவருகிறது.
சிறுத்தை சிவா டைரக்ட் செய்துள்ளார். வெற்றி ஒளிப்பதிவு செய்துள்ளார், தேவி ஸ்ரீபிரசாத் இசை அமைத்துள்ளார். பழம் பெரும் தயாரிப்பு நிறுவனமாக விஜயா புரொடக்ஷன் நிறுவனம் தயாரித்துள்ளது.
படத்தின் 2 டிரைய்லர்கள் வெளியான பிறகு படத்துக்கு எதிர்பார்ப்பு அதிகரித்துள்ளது. படத்தில் மொத்தம் 6 பாடல்கள் அதில் ஒன்று தீம் பாடல். பாடல்களுக்கும் எதிர்பார்ப்பு ஏற்பட்டுள்ள நிலையில் இதன் ஆடியோ ரைட்ஸ்சுக்கு கடும் போட்டி நிலவியது.
இறுதில் டைம்ஸ் ஆப் இண்டியா குரூப்பின் ஒரு அங்கமான ஜங்கிள் மியூசிக் ஆடியோ ரைட்சை வாங்கியுள்ளது.
ஒரு கோடிக்கும் கூடுதலாக ஆடியோ ரைட்ஸ் கொடுக்கப்பட்டிருப்பதாக இசை வட்டார தகவல்கள் தெரிவிக்கிறது.
டிசம்பர் மாதத்தின் கடைசி வாரத்தில் படத்தின் ஆடியோ வெளியீட்டு விழாவை பிரமாண்டமாக நடத்த முடிவு செய்திருக்கிறார்கள். அதில் அஜீத்தை பங்கேற்ற வைக்க முயற்சிகள் மேற்கொள்ளப்பட்டு வருகிறது.
Post a Comment