இங்கிலாந்திற்கான இலங்கை கிரிக்கெட் தொடர் விபரங்கள் அறிவிப்பு

இலங்கை அணி, இங்கிலாந்திற்கு கிரிக்கெட் சுற்றுப்பயணம் மேற்கொண்டு பங்குபற்றவுள்ள கிரிக்கெட் தொடருக்கான விபரங்களை இங்கிலாந்து கிரிக்கெட் சபை வெளியிட்டுள்ளது.

மே மாதம் இடம்பெறவுள்ள இத்தொடர் 2 டெஸ்ட் போட்டிகளையும் 5 ஒருநாள் சர்வதேசப் போட்டிகளையும் ஒரு டுவென்டி டுவென்டி போட்டியையும் உள்ளடக்கியதாகக் காணப்படவுள்ளது.

2014ஆம் ஆண்டு மே மாதம் இறுதிப்பகுதியில் ஆரம்பிக்கவுள்ள இத்தொடர் ஜூன் மாதம் இறுதிவரை இடம்பெறவுள்ளது.
இத்தொடரில் 2 டெஸ்ட் போட்டிகள் மாத்திரமே சேர்க்கப்பட்டுள்ளன.

கடந்த முறை இலங்கை அணி, இங்கிலாந்திற்கு இருநாட்டு கிரிக்கெட் தொடருக்காகச் சென்றிருந்தபோது 3 போட்டிகள் கொண்ட டெஸ்ட் தொடரில் போராடி 0 - 1 என்ற கணக்கில் தோல்வியடைந்ததுடன், ஒருநாள் சர்வதேசப் போட்டித் தொடரை 2 - 3 என்ற கணக்கில் இழந்திருந்தது,

போட்டி அட்டவணை:

ஒற்றை டுவென்டி டுவென்டி போட்டி: மே 20 - தி ஓவல்
1ஆவது ஒருநாள் சர்வதேசப் போட்டி: மே 22 - தி ஓவல்
2ஆவது ஒருநாள் சர்வதேசப் போட்டி: மே 25 - டர்ஹாம்
3ஆவது ஒருநாள் சர்வதேசப் போட்டி: மே 28 - ஓல்ட் ட்ரபோர்ட்
4ஆவது ஒருநாள் சர்வதேசப் போட்டி: மே 31 - லோர்ட்ஸ்
5ஆவது ஒருநாள் சர்வதேசப் போட்டி: ஜூன் 3 - எட்ஜ்பஸ்ரன்

முதலாவது டெஸ்ட் - ஜூன் 12 - 16 - லோர்ட்ஸ்
இரண்டாவது டெஸ்ட் - ஜூன் 20 - 24 - ஹெடிங்லீ