இந்திய கிரிக்கெட் அணியின் நட்சத்திர வீரரான சச்சின் இதுவரை 198 டெஸ்ட் போட்டிகளில் ஆடியுள்ளார். அடுத்த மாதம் வெஸ்ட் இண்டீசுக்கு எதிரான தொடர் சச்சினுக்கு 200வது போட்டியாக அமைய உள்ளது. 200 டெஸ்டில் விளையாடும் முதல் வீரர் என்ற சாதனையையும் சச்சின் நிகழ்த்த உள்ளார். இந்த சிறப்பு வாய்ந்த டெஸ்ட் போட்டியை நடத்த மும்பை, கொல்கத்தா கிரிக்கெட் சங்கங்கள் இடையே கடும் போட்டி நிலவி வருகிறது. 200வது டெஸ்ட் போட்டியுடன் சச்சின் ஓய்வு முடிவை அறிவிக்கக்கூடும் என்பதால் வெஸ்ட் இண்டீஸ் தொடர் முக்கியத்துவம் பெற்றுள்ளது.இந்நிலையில் பாகிஸ்தான் கிரிக்கெட் அணியின் மாஜி வீரர் வாசிம் அக்ரம் கூறுகையில், பாகிஸ்தானுக்கு எதிரான டெஸ்ட் போட்டியுடன் தான் சச்சின் ஓய்வு பெறவேண்டும். இந்த ஆட்டம் கொல்கத்தா ஈடன்கார்டன் மைதானத்தில் நடைபெற வேண்டும். இரு நாட்டு ரசிகர்களின் கரகோஷத்தில் சச்சினுக்கு பிரியா விடை கொடுப்பதே சிறப்பாக இருக்கும் என்றார்.
